खेलकुद

विश्वकप फुटबल : केहि बेरमा फाइनलमा फ्रान्स र क्रोएसिया भिड्दै

काठमाडौँ, ३१ असार रासस  : रुसमा जारी विश्वकप फुबटल– २०१८ को उपाधिका लागि अहिले केहीबेरमा फ्रान्स र क्रोएसिया भिड्दैछन् ।रुसको सेन्ट मस्कोस्थित लुजनिकी रङ्गशालामा आज राति ८ः४५ बजे दुवै टोली विजय लक्ष्यका साथ मैदानमा उत्रनेछन् ।उपाधिको दाबेदार मानिएको फ्रान्स दोस्रो पटक विश्वकपको उपाधि जित्ने दाउमा हुनेछ, भने क्रोएसिया उपाधि जित्दै विश्वकपमा नयाँ इतिहास रच्ने तत्परमा छ । फ्रान्स तेस्रो पटक तथा क्रोएसिया विश्वकपको फाइनलमा पहिलोपटक पुगेको हो ।

सेमिफाइनलमा फ्रान्सले बेल्जियलाई १–०ले पराजित गरेको थियो भने क्रोएसियाले इंग्ल्याण्डलाई २–१ गोलअन्तरले हराउँदै फाइनलमा स्थान सुरक्षित गरेको थियोे ।

उत्कृष्ट सामुदायिक विद्यालय पुरस्कृत

बुटवल, ३१ असार (रासस): प्रदेश नं ५ को सामाजिक विकास मन्त्रालयले प्रदेशमा उत्कृष्ट सामुदायिक विद्यालयलाई आज प्रोत्साहन पुरस्कार प्रदान गरेको छ ।जिल्ला शिक्षा समन्वय इकाइको सिफारिशको आधारमा मन्त्रालयले आन्तरिक मूल्यांकन गरी प्रदेशभरिका उत्कृष्ट १२ विद्यालयलाई प्रोत्साहन पुरस्कार प्रदान गरेको हो ।

रुपन्देहीको कालिका नमूना मावि, नवलपरासीको वाग्वाणी मावि, पाल्पाको दमकडा मावि, गुल्मीको महेन्द्र मावि, अर्घाखाँचीको आदर्श मावि, दाङको पद्मोदय नमूना मावि, बाँकेको ज्ञानोदय मावि, बर्दियाको नेपाल राष्ट्रिय मावि, पूर्वी रुकुमको रुक्मिनि मावि, रोल्पाको बालकल्याण मावि, प्यूठानको माण्डवी मावि र कपिलवस्तुको जनता मावि उत्कृष्ट विद्यालय घोषित भएका छन् ।

उत्कृष्ट विद्यालयलाई सामाजिक विकासमन्त्री सुदर्शन बरालले आज एक कार्यक्रमबीच प्रतिविद्यालय रु ८० हजार र प्रमाणपत्र प्रदान गर्नुभयो । मन्त्री बरालले सामुदायिक विद्यालयको शैक्षिक गुणस्तर सुधारका लागि प्रोत्साहन र कारबाहीको नीति ल्याएको बताउनुभयो ।मन्त्रालयले विद्यालयको भौतिक पूर्वाधार र शैक्षिक गुणस्तर वृद्धिका लागि शिक्षक दरबन्दी, नगद अनुदान र क्षमता अभिवृद्धि तालीमका लागि बजेट विनियोजन गरेको बताउनुभयो । उहाँले गुणस्तरमा ध्यान दिन विद्यालय व्यवस्थापन समिति र प्रधानाध्यापकलाई निर्देशन दिनुभयो । मन्त्रालयका सचिव पुष्करराज पन्थले सामुदायिक विद्यालयलाई उत्कृष्ट बनाउन प्रोत्साहनस्वरुप नगद पुरस्कार प्रदान गरिएको बताउनुभयो । कार्यक्रममा पुरस्कृत विद्यालयका प्रधानाध्यापकले शैक्षिक गुणस्तरमा कुनै सम्झौता नगरीकन काम गर्ने प्रतिबद्धता जनाएका थिए ।

Related Articles