भिडियोमनोरंजन

‘प्रसाद’ को ‘इन्डक्ल्याप’ मा निश्चलमाथि यस्तो आरोप, के छ त निश्चलको प्रतिक्रिया ?

काठमाडौं– दिनेश राउत निर्देशित तथा अभिनेत्री नम्रता श्रेष्ठ, अभिनेता द्वय विपिन कार्की र निश्चल बस्नेत स्टारर फिल्म ‘प्रसाद’ को सम्पूर्ण छायांकन सकिएको छ । यी तीन स्टारले पहिलो पटक एकसाथ स्क्रिन सेयर गरेकाले पनि यो फिल्म निकै प्रतिक्षित बनेको छ ।चलचित्र पत्रकार संघ, नेपालका उपाध्यक्ष समेत रहेका निर्देशक सिटौलाले क्ल्याप ठोकेर फिल्मको छायांकन सकिएको उदघोष गरेका हुन् ।‘नोभेम्बर रेन’, ‘क्लासिक’, ‘पर्व’ जस्ता फिल्मको निर्देशन गरिसकेका राउतले ‘प्रसाद’ लाई राम्रो बनाउन निकै मिहिनेत गरेको प्रष्ट पारे । उनले आउदो वर्षको मंसिर २१ गतेलाई फिल्म प्रदर्शनको मिति समेत घोषणा गरे ।

त्यस्तै, कार्यक्रममा बोल्दै अभिनेता निश्चल वस्नेतले आफूले अभिनय गरेका अन्य फिल्मभन्दा ‘प्रसाद’ मा निभाएको भूमिका निकै फरक रहेको बताए । उनले भने, ‘छुट्टै खालको तर राम्रो फिल्म बनेको छ भन्नेमा म विश्वस्त छु । आजसम्म एक्टरको रुपमा खेलेका फिल्मभन्दा यसमा मैले केही मिहिनते गरेर राम्रो काम निकाल्न सकेँ की भन्ने लागेको छ ।’उनले ‘प्रसाद’ मा दर्शकले आफ्नो अभिनयमा म्याचुरिटी देख्न पाउने पनि बताए । यस्तै, अभिनेत्री नम्रताले यस फिल्ममा आफूले फरक भूमिका निर्वाहा गरेको बताइन् । यो फिल्ममा उनी गृहणी महिलाको भूमिकामा छिन् ।

सुवाष थापा इन्टरटेनमेन्टको ब्यानरमा बनेको फिल्ममा लेखन भने सुशील पौडेलको रहेको छ । लाई राजेश श्रेष्ठको छायांकन रहेको फिल्ममा सुवाष भुसाल र कोशिष क्षेत्रीको संगीत रहेको छ ।निःसन्तानका कारण पति र पत्निबीचमा आउने असमझदारी, अविश्वास तथा आफैंमा उत्पन्न एक मानसिक द्वन्द्वसँगै सामाजिक मुल्य–मान्यता विरुद्धको कथामा फिल्म निर्माण भएको छ ।

भिडियो हेर्नुसः

Related Articles